ҚОЛДАНУШЫЛЫҚ КЕЛІСІМІ

KITAP.KZ – ASHYQ KITAPHANA ПОРТАЛЫНА ҚОШ КЕЛДІҢІЗДЕР!

Kitap.kz платформасына тіркелместен және порталда орналасқан материалдарды қолданбастан бұрын Қолданушылық келісіммен және Құпиялық саясатпен мұқият танысып шығуыңызды сұраймыз. Қолданушылық келісімі және Құпиялық саясаты Ashyq kitaphana мен Сіздің араңыздағы келісім болып саналады. Порталды қолдану арқылы Сіз жоғарыда аталған келісімді қабылдаған болып есептелесіз. Ashyq Kitaphana аталған Қолданушылық келісімді алдын ала ескертусіз кез келген уақытта өзгертуге құқылы. Қолданушылық келісімге енгізілген барлық өзгертулер порталға жүктелген уақыттан бастап заңды күшіне енеді. Келісімге енгізілген өзгерістерден кейін порталды пайдаланған жағдайда, Сіз жаңа өзгерістерді қабылдаған болып саналасыз. Сол себепті белгілі бір мерзім аралығында Қолданушылық келісімді тексеріп отыруға кеңес береміз.

ЖОБА ТУРАЛЫ

Kitap.kz – ұлттық әдебиетіміз мен отандық ғылымның, өнеріміз бен сан-саладағы шығармашылық өкілдеріміздің жәдігерлерін заңды негізде бір жерге жинақтап, насихаттауды мақсат ететін онлайн жоба.

Қолданушыға арналған ережелер

Сіз порталды жеке мақсатыңыз үшін қолдануға және Сіздің қолданушылық жазбаларыңыз үшін жауапты болуға келісесіз. «Қолданушылық жазбаларға» порталға Сіз немесе кез келген басқа қолданушы жүктеген, жариялаған, жазған барлық контент (сұрақтар, комментарийлер) жатады. Сіз порталды «Қолданушылық келісімге» сәйкес, қазақстандық және халықаралық заңдар, ережелер мен нормалар шеңберінде қолдануға келісім бересіз. Ashyq kitaphana порталының қызметтерін қолдану келісімінің шартына сәйкес, Сіз Kitap.kz платформасының жұмысына кедергі келтіруі мүмкін әрекетке бармауыңыз қажет. Сізге Kitap.kz порталының серверлеріне расталмаған аккаунттар, өзге аккаунттар, компьютерлік жүйелер немесе желілер арқылы бұзу, құпия сөзді ұрлау және басқа да әдістермен қолжетімділік алуға талпыныс жасауға тыйым салынады. Порталға жүктелген материалдар мен ақпараттарды заңсыз жолмен көшіріп алуға болмайды.

ПОРТАЛДА МЫНАДАЙ КОНТЕНТ ТҮРЛЕРІН ТАРАТУҒА ТЫЙЫМ САЛЫНАДЫ:

  • Өзгелерді қаралауға, мазасын алуға немесе үркітуге бағытталған контент;
  • Заңсыз әрекеттерді талқылауға және оларды жасауға бағытталған контент;
  • Өзгелердің зияткерлік меншік құқығын бұзатын контент;
  • Порнографиялық, әдепсіз және заңсыз контент;
  • Жарнамалық және кез келген коммерциялық бағыттағы контент;
  • Заңсыз саяси қызметтерге байланысты контент;
  • Вирустан, троялық аттар, құрттар, уақыт бомбалары, зиянды файлдар және де осы секілді өзгелердің компьютерлері мен меншіктерін бұзуға арналған контент. Сонымен бірге, әдейі теріс ақпараты бар және өзгелерді алдау үшін жасалған материалдары бар контент;
  • Сондай-ақ, Сіз порталда орналастырылған контентке нұқсан келтірмеуге, контентті жүктеп алмауға, порталды қолданған кезде Өзіңіздің жеке басыңызға қатысты жалған ақпаратты бермеуге келісесіз (алайда форумдарда Өзіңіздің жеке басыңызға қатысты ақпаратты жасыру үшін бүркеншік қолданушы атын пайдалануыңызға қарсы емеспіз).

ҚОЛДАНУШЫ АККАУНТТАРЫ ЖӘНЕ БИЛІК

Порталдың мүмкіндіктерін толық қолдану үшін қолданушы аккаунтын ашуыңыз қажет. Ол үшін Сіз атыңызды, электрондық поштаңызды көрсетіп, құпиясөз ойластыруыңыз керек. Сіз өзіңіздің қолданушы аккаунтыңызға байланысты ақпаратты жарияламауға және қандай да мақсатта үшінші тарапқа бермеуге келісім бересіз. Қолданушы аккаунтын құру барысында платформа Сізден міндетті емес қосымша ақпаратпен (мысалы, мекенжай) бөлісуді сұрауы мүмкін. Сіз берген ақпаратыңыздың растығына кепілдік бересіз. Сіз Өзіңізге байланысты ақпараттың дұрыс болуына және оларды үнемі жаңартып отыруға келісесіз. Біз Сіздің жеке басыңызға байланысты ақпараттың құпия болуына мүдделіміз. Құпиялық саясатымен танысу арқылы Сіз біздің қандай ақпаратты жинайтынымыз және оларды қалай қолданатынымыз туралы біле аласыз.

СІЗДІҢ ПОРТАЛДАҒЫ КОНТЕНТТІ ҚОЛДАНУ ҚҰҚЫҒЫҢЫЗ

Порталдағы контентті өзгертуге, оны сатып пайда табуға тыйым салынады. Порталдағы ұсынылған кітаптар, аудиокітаптар, видеолар мен аудиолар тек осы порталдағы материалдармен байланыста қолданылады. Порталдағы материалдар, кітаптар, аудиокітаптар, видеолар мен аудиолардвң барлық құқықтары қорғалған болуы мүмкін. Осы порталды қолдансаңыз, сол деректерге таралатын құқықтар мен шарттарды сақтауға келісім бересіз. Сіз порталды қолдану арқылы Қазақстан Республикасының 1996 жылғы 10 маусымдағы N 6-I «Авторлық құқық және сабақтас құқықтар» туралы заңы мен халықаралық авторлық құқыққа байланысты заңдарды сақтауға келісім бересіз.

ҚОЛДАНУШЫ ЖАЗБАЛАРЫ

Қолданушы жазбаларының ұсынылуы мен кепілдіктері. Cіз қолданушы жазбаларын қалдыру арқылы сол жазбаны жариялауға, қайта өңдеуге қажет құқықтарыңыз бар екендігіне кепілдік бересіз. Сонымен бірге Сіз өзіңіздің жазбаларыңыздың Ashyq kitaphana ұжымына және платформаның қолданушыларына төменде көрсетілген шарттар шеңберінде жазбаларды қолдануға, өзгертуге, жариялауға келісім бересіз. Қолданушы жазбаларын жариялаудың салдарына тек қана Сіз жауапты болатыныңызды ескертеміз. Kitap.kz – Ashyq kitaphana құқықтары. Қолданушы жазбаларын қалдыру арқылы Сіз Ashyq kitaphana аумақ бойынша шектеусіз, айрықша емес, өткізіп беруге болатын, қайта табыстауға келетін, лицензиялық төлем алынбайтын, мерзімсіз және қайтарып алынбайтын құқық бере отырып, жазбаларды кез келген форматта, үлгіде және кез келген медиа орта арқылы, кез келген жерде жариялауға, өзгертуге, жеткізуге келісесіз. Ashyq kitaphana қолданушыларының құқықтары. Қолданушы жазбаларын қалдыру арқылы Сіз порталдың әрбір қолданушысына Сіздің жазбаңызды осы порталда пайдалану құқықтары шеңберінде көру және өз мақсатында қолдану үшін айрықша емес құқық бересіз.

DIGITAL MILLENNIUM COPYRIGHT ACT

Біз авторлық құқықты құрметтейтін ұйымбыз. Сол себепті егер Сіз авторлық құқықтың бұзылу фактісін байқаған болсаңыз, онда info@kitap.kz поштасына хабарлауыңызды сұраймыз.

АВТОРЛЫҚ ҚҰҚЫҚ БҰЗУШЫЛЫҚТЫ ЕСКЕРТУГЕ ҚАЖЕТТІ ДЕРЕКТЕР

  • Көшірілген жұмыс орналасқан мекенжай.
  • Бір жерде орналасқан бірнеше жұмыс жағдайын, сол еңбектердің атауларын тізім ретінде ұсыну.
  • Көшірілген жұмысты анықтау мақсатында оның орналасқан сыртқы порталдың немесе құрылғының деректерін (мысалы, URL, IP мекенжай, компьютер аты) ұсыну.
  • Шағым түсірген тараппен байланыста болу мақсатында қосымша ақпарат (электрондық поштасы, телефон нөмірі) ұсыну.
  • Көшірілген ақпаратты тексеру бойынша жұмыстарды бастауға өтініш толтыру.
  • Өтініште көрсетілген деректердің рас екендігіне және оны толтырған тұлғада контентті иелік етуші тараптың рұқсаты бар екендігіне көз жеткізу.

КЕПІЛДІКТЕН БАС ТАРТУ/ЖАУАПКЕРШІЛІК ШЕКТЕУЛЕРІ

Kitap.kz – Ashyq kitaphana жобасы порталдың тұрақты түрде жұмыс істеуіне және қателердің болмауына, вирустар мен өзге де Сіздің компьютеріңізге зиян келтіруі мүмкін компоненттерден ада екендігіне және Сіздің қажеттіліктеріңіз бен күткен дүниеңізге сәйкес келетіндігіне кепілдік бермейді. Порталды, портал арқылы контент пен қызметтерді қолдану өз тәуекелдігіңіз болып саналады. Порталдағы ақпараттарды, материалдарды, деректерді де жүктеп алу өз тәуекеліңіз болып саналады. Жүктеп алынған ақпараттар, материалдар, деректер салдарынан меншігіңізге зиян (мысалы, деректерді жоғалтып алу) келтірілген жағдайда да, жауапкершілік тек Сіздің мойыныңызға жүктеледі. Қолданушы жазбалары. Ashyq kitaphana Қолданушы жазбаларының дәлдігіне, пайдалылығына, сенімділігіне немесе оның авторлық құқықтарына жауап бермейді. Сіз теріс, қорлайтын, жала жабатын, ұятсыз жазбаларға тап болуыңыз мүмкін екендігін түсінесіз және сол жазбаларға байланысты Ashyq kitaphana заңды түрде ешқандай қарсылық айтпайсыз. Ashyq kitaphana ешқандай Қолданушы жазбаларын қолдамайтынын және жазбаларда келтірілген ойларға, кеңестерге қатысы жоқтығын мәлімдейді. Сонымен бірге, Ashyq kitaphana порталда жарияланған Қолданушы жазбаларын қадағалауға міндетті емес. Дегенмен Ashyq kitaphana кез келген уақытта, кез келген себеппен Қолданушы жазбаларын толықтай немесе бір бөлігін өңдеуге немесе өшіруге құқылы. Жоғарыда айтылғаннан бөлек, егер қолданушыдан немесе контент иесінен Қолданушы жазбалары Қолданушылық келісімге қайшы келеді деген ескертпе түсетін болса, онда Ashyq kitaphana Қолданушы жазбаларын өшіру бойынша тергеу жұмысын кез келген уақытта, ескертусіз жүргізуге құқылы. Өзге сайттарға апаратын сілтемелер. Ashyq kitaphana платформасында басқалардың басқаруындағы сайттарға апаратын гиперсілтемелер болуы мүмкін. Ashyq kitaphana өзге сайттарда орналастырылған қызметтер мен контенттің сапасына жауап бермейді. Үшінші тарап сайттарындағы ақпаратты қолдану өз тәуекеліңізде болып саналады.

ӘРТҮРЛІ

Тоқтату құқықтары, Контентті қолдануды тоқтату. Ashyq kitaphana Сіздің порталды қолдануыңызды кез келген себеппен немесе ешқандай себепсіз ескерту жіберу арқылы тоқтата алуына келісесіз. Ashyq kitaphana жобасының саясаты бойынша авторлық құқықты бірнеше рет бұзған қолданушылардың аккаунттарын бұғаттап тастауға құқылы. Ashyq kitaphana өзінің платформасы арқылы ұсынылатын кез келген кітапты алып тастауға, форматын өзгертуге және порталдың бір бөлігін немесе тұтастай өшіріп тастауға құқылы және бұл әрекеттер үшін Сізге есеп бермейді. Егер Сіз порталды қолданбаймын деп шешсеңіз, онда кез келген уақытта порталды қолдануды тоқтата аласыз. Осы Келісім аясында Сізге берілген құқықтар Сіздің порталды қолдануды тоқтатқан күннен бастап өз күшін жояды, алайда Келісімнің барлық шарттары өз күшінде қалады. Осы Келісім Қазақстан Республикасының заңдарына сәйкес жасалды және барлық түсініспеушіліктер Қазақстан Республикасының заңдарына сәйкес реттелетін болады.

БІРЛЕСІП ЖҰМЫС ЖАСАУ

Ashyq kitaphana платформасына жазыла отырып, Сіз біздің оқырмандар құрамына қосыласыз. Тұрақты оқырманымыз ретінде Сіздерден шынайылық пен академиялық адалдықты ұстануды сұраймыз. Әрі қарай Ashyq kitaphana оқырманы болу мақсатында Ар-намыс кодексі мен басқа да қосымша шарттарды сақтау талап етіледі.

АР-НАМЫС КОДЕКСІ

  • Тек бір ғана аккаунтты қолданып, менің атымнан басқалардың кіруіне жол бермеймін;
  • Өзгелерге зиян келетін әрекеттерге бармаймын;
  • Кітаптарды заңсыз жүктеп алу қадамдарын жасамаймын.

КОДЕКСТІ БҰЗУ

Қолданушылық келісім мен ар-намыс кодексі бұзылған жағдайда Сізге қатысты төмендегі бір немесе бірнеше жаза түрлері қолданылуы мүмкін:
  • Қолданушылық аккаунтыңыздың бұғатталуы;
  • Порталды қолдануға тыйым салу.

АР-НАМЫС КОДЕКСІН ӨЗГЕРТУ

Ashyq kitaphana аталған Ар-намыс кодексін алдын ала ескертусіз кез келген уақытта өзгертуге құқылы. Ар-намыс кодексіне енгізілген барлық өзгертулер порталға жүктелген уақыттан бастап заңды күшіне енеді. Кодекске енгізілген өзгерістерден кейін порталды пайдаланған жағдайда, Сіз жаңа өзгерістерді қабылдаған болып саналасыз. Сол себепті белгілі бір мерзім аралығында Ар-намыс кодексін тексеріп отыруға кеңес береміз.