Жігер Бертісовтің орындауындағы күйлер

Жігер Бертісовтің орындауындағы күйлер

Жігер Бертісовтің орындауындағы күйлер

Бертісов Жігер Талғатұлы 15 сәуір 1985 жылы Шығыс Қазақстан облысы Үржар ауданында дүниеге келген. Абай атындағы орта мектеп-лицейінің қабырғасында оқи жүре Еркеғали Рахмадиев атындағы саз мектебінен музыкалық білім алады. 2003 жылы мектепті бітірген соң, Құрманғазы атындағы Қазақ ұлттық консерваториясының дайындык бөліміне, күйші-профессор Ысқақов Б. А. класына түседі. 2005 жылы аталған оқу орнының негізгі бөліміне қабылданады. Оқу барысында қосымша шертпе күйдің шебері - Ахат Байбосыновтан Арқа күйшілік мектебінің өкілі Тоқа Шоңманұлы мұрасын меңгереді. 2009 жылы жоғарғы оқу орнын ойдағыдай тәмәмдап, «Ұстаз және концерттік орындаушы» біліктілігін алады. 2012–2014 ж. Өнертану ғылымының магистрі дәрежесіне ие болады. Оқып жүрген жылдары Тәттімбет Қазанғапұлы, Сүгір Әлиұлы, Төлеген Момбеков атындағы және т.б. республикалық конкурстардың жүлдегері атанады. 2009–2011 ж.ж. фольклорлық-этнографиялық «Сазген сазы» ансамблінде ансамбль артисі және жеке орындаушы ретінде қызмет атқарады. 2011–2014 жж. Құрманғазы атындағы Қазақ ұлттық консерваториясының халық музыкасы факультеті, домбыра кафедрасының оқытушысы. 2012 ж. Бауыржан Момышұлы атындағы №131 мектеп гимназиясында домбыра пәнінің мұғалімі ретінде жұмыс істейді. 2014 ж. Жәния Әубәкірованың авторлық мектебінде домбыра пәнінің мұғалімі қызметін атқарады. Жігер Бертісов күйші-орындаушы ретінде дәстүрлі музыка фестивальдері, республикалық телеарналар арқылы күйшілік өнерді насихаттап келеді. Атап айтсақ: Хабар телеарнасындағы «Алтыбақан», «Ғасырлар пернесі», Қазақстан Ұлттық телеарнасындағы «Дала думан», «Күй-тартыс», «Ғасырлар үні» сияқты т.б. ұлттық тележобаларға қатысып, ел ризашылығына бөленіп жүр.