Сәуле Жанпейісова. Ілия Жақановтың әндері

Сәуле Жанпейісова. Ілия Жақановтың әндері

Сәуле Жанпейісова. Ілия Жақановтың әндері

Қазақстанның еңбек сіңірген қайраткері, Дарын Мемлекеттік жастар сыйлығының лауреаты, филология ғылымдарының кандидаты – Сәуле Жанпейісова. Ілия Жақановтың әндері. Қазақстан мен Қырғызстанның еңбек сіңірген қайраткері, композитор Ілия Жақанов 1936 жылы 6 мамырда Жамбыл облысы, Сарысу ауданының Ақтоғай ауылында дүниеге келген. 1955 жылы Қазақтың С.М. Киров атындағы (қазіргі әл-Фараби атындағы) Қазақ ұлттық университетінің филология факультетін бітірген. 1963–1984 жылдар аралығында Мемлекеттік теледидар және радиохабарлар комитетінде аға редактор, Қазақ радиосы музыкалық редакциясының Бас редакторы қызметін атқарған. І. Жақановтың 200-ден астам лирикалық әндері бар. Өзінің көптеген әндеріне мәтіндерін жазған ақын. Ол әндер жазумен қатар, қазақтың сал-серілік өнерін терең зерттеген жазушы, әрі ғалым. Оның «Қайта оралған ән», «Қош бол, вальс!», «Ықылас», «Екі жирен», «Бірінші концерт», «Махаббат вальсі», таңдамалы жинақтарымен қатар, «Қара бура» танымдық-энциклопедиясы, «Зәуреш», т.б. кітаптары жарыққа шыққан. Елі үшін аянбай еңбек еткен композитор туралы Ақселеу Сейдімбек «Ілиядай сегіз қырлы, бір сырлы адаммен замандас болғанымызбен мақтанамыз» десе, ұлы ақын Мұқағали Мақатаев Ілия Жақановқа арнап «Ақ қайың әні» атты поэма жазған. Ілия Жақанов ұлтымыздың өнерін дамытуға орасан зор еңбек сіңірген қоғам қайраткері, жазушы, ұстаз, ғалым, ақын, композитор. Оның әсем әндері халқымызбен бірге мәңгі жасай бермек.