Нұржан Жанпейісовтің орындауындағы әндер

Нұржан Жанпейісовтің орындауындағы әндер

Нұржан Жанпейісовтің орындауындағы әндер

Нұржан Қабимолдаұлы Жанпейісов – Т. Жүргенов атындағы Қазақ Ұлттық өнер академиясының «Дәстүрлі музыкалық өнер» кафедрасының аға оқытушысы, Қазақконцерт өнер бірлестігінің әншісі, ҚР Мәдениет қайраткері, ҚР «Тәуелсізідігіне 20-жыл» медалінің иегері. Нұржан Қабимолдаұлы Жанпейісов 1973 жылы Алматы облысы, Панфилов ауданы, Суптай ауылында дүниеге келген. 1990–95 жж. Талдықорған қаласындағы І. Жансүгіров атындағы Педагогикалық университетінде оқыған. Қазақстанның Халық әртісі, әйгілі әнші Дәнеш Рақышевтың шәкірті болып әншілік өнерді игерген. 1994 жылдан бастап Талдықорған қаласындағы Дәнеш Рақышев атындағы №3 мектеп-интернатында сабақ беріп, әншілік өнерге шәкірттер баулыған. 2000–2005 жылдары Құрманғазы атындағы Қазақ Ұлттық консерваториясын тамамдаған. Халықаралық «Шабыт» жастар фестивалінің лауреаты, 2002 жылы Әміре Қашаубаев атындағы Республикалық әншілер байқауының Гран-при, бас жүлдесін иеленеді. Нұржанның орындауындағы әндер Қазақ радиосының «Алтын қорына» еніп, тұрақты түрде беріліп тұрады. Өзінің орындауындағы 23 ән жеке (CD) жинақ болып шыққан. «Қазақтың дәстүрлі 1000 әні» антологиясына Нұржанның орындауында 15 ән енсе, Лондон қаласынан жарық көрген «Қазақ сахарасының дәстүрлі музыкасы» атты әндер жинағына 5 әні енген. Бұл күнде Нұржан Жетісу өңірінің дәстүрлі әншілік өнеріндегі Дәнеш мектебінің жарқын өкілі. Оның репертуарында халық әндері, халық композиторларының әндері, Дәнеш әндері мен кейінгі композиторлар әндерін қоса алғанда 300-ге тарта әндер жинақталған. Нұржан ұлттық өнерге қамқорлық танытып, асыл мұрамыздың қаймағы бұзылмауына өз үлесін қосып келеді.