Еркін Шүкімановтың орындауындағы әндер

Еркін Шүкімановтың орындауындағы әндер

Еркін Шүкімановтың орындауындағы әндер

Еркін Шүкіманов 1973 жылы 5 қыркүйекте Шығыс Қазақстан облысы, Мақаншы ауданы, Жарбұлақ ауылында туған. 1990 жылы Ақсуат ауданы Сұлутал ауылында Қаныш Сәтбаев атындағы орта мектепті бітіріп, 1991–1996 жылдары Шәкәрім атындағы Семей университетінің филология факультетінде оқыған. 1996 жылы Алматыдағы Жүсіпбек Елебеков атындағы эстрада-цирк колледжіне Қайрат Байбосыновтың сыныбына қабылданды. 1999–2004 жылдары Құрманғазы атындағы Қазақ ұлттық консерваториясының халық әні кафедрасында Бекболат Тілеухановтың сыныбы бойынша оқыған. 1999 жылдан «Қазақконцерт» бірлестігінің әншісі. Құрманғазы атындағы Қазақ ұлттық консерваториясында ұстаздық етеді. «Біржан сал» фильміне Біржан Қожағұлұлының «Айтбай», «Жалғыз арша», «Сырғақты», «Ләйлім шырақ», «Жанбота», «Теміртас» әндері Еркін Шүкімановтың орындауында енген. 1998 жылы республикалық Жүсіпбек Елебеков атындағы әншілер байқауының, 2000 жылы халықаралық «Шабыт» фестивалінің, 2002 жылы республикалық Әміре Қашаубаев атындағы әншілер байқауының лауреаты атанды. Қазақстан Республикасының Мәдениет қайраткері.